Քաղաքացիական հասարակության փորձագետների կողմից ՀԸԳՀ-ի մշտադիտարկմանն ուղղված հայտերի ընդունման հրավեր 2026

GOPA PACE-ը հայտարարում է քաղաքացիական հասարակության անհատ փորձագետների կողմից Համապարփակ և ընդլայնված գործընկերության համաձայնագրի (ՀԸԳՀ) իրականացման առաջընթացը մշտադիտարկելու հայտերի ընդունում, մասնավորապես.

• դիտարկելու ՀԸԳՀ-ի շրջանակներում իրականացվող կոնկրետ ոլորտներում փոփոխությունների ազդեցությունը և արդյունավետությունը,

• բացահայտելու այն հնարավորությունները, որոնք ՀԸԳՀ-ն ընձեռում է իր շրջանակներում որոշակի ոլորտներում բարեփոխումներ իրականացնելու համար, 

• կարծիքներ և խորհրդատվություն տրամադրելու ՀԸԳՀ-ի իրականացմանն առնչվող կոնկրետ հարցերի վերաբերյալ:

Ոլորտները ներառում են.

• Միգրացիա և սահմանային անվտանգություն

• Տրանսպորտ, միակցվածություն և տեղական ենթակառուցվածքների զարգացում 

• Թվային անվտանգություն և տվյալների պաշտպանություն

• Կլիմայի փոփոխություն 

• Էներգետիկա

Քաղաքացիական հասարակության ընտրված փորձագետը ծառայություններ կտրամադրի ԵՄ-ի կողմից ֆինանսավորվող «Աջակցություն ՀԸԳՀ-ի իրականացմանը, մշտադիտարկմանը և հաղորդակցությանը ENI/2023/442-873» տեխնիկական աջակցության ծրագրին մինչև 4 ամիս ժամկետով՝ 2026 թ․ հուլիսից մինչև հոկտեմբերը ներառյալ։

Հայտարարության հետ կապված բոլոր փաստաթղթերը ներկայացված են ստորև։ 

Հետաքրքրված փորձագետները պետք է ներկայացնեն իրենց ինքնակենսագրությունը (CV)՝ ստորև ներկայացված ձևաչափով, ինչպես նաև անձնական տվյալների պաշտպանության ստորագրված փաստաթուղթը (Privacy data statement) և ուղարկեն [email protected] էլ․ փոստի հասցեին՝ վերնագրի դաշտում նշելով․ 2026/Non-key EXPERT-MONITORING։  Այլ էլ. փոստին ուղարկված դիմումները չեն դիտարկվելու:

Մշտադիտարկման իրականացման մեթոդաբանական հարցերը լրացուցիչ կքննարկվեն միայն ընտրված փորձագետների հետ։

Հայտերի ներկայացման վերջնաժամկետը 2026 թ․ հունիսի 15-ն է, մինչև ժ․ 23։59 (Կենտրոնական եվրոպական ժամանակով)։ 

Լրացուցիչ հարցերի և պարզաբանումների համար խնդրում ենք գրել [email protected]  և/կամ [email protected] էլ. փոստի հասցեներին։