Նախագծի մասին
Աջակցություն ՀԸԳՀ-ի մոնիտորինգին, իրականացմանը և հաղորդակցությանը
ENI/2023/442-873
ԱՅՍ ԾՐԱԳԻՐԸ ՖԻՆԱՆՍԱՎՈՐՎՈՒՄ Է ԵՎՐՈՄԱԿԱՆ ՄԻՈՒԹՅԱՆ ԿՈՂՄԻՑ
ՀԸԳՀ՝ ԵՄ-ի և Հայաստանի միջև 2017 թվականի նոյեմբերին ստորագրված Համապարփակ ընդլայնված գործընկերության համաձայնագիրը, ուժի մեջ է մտել 2021 թվականի մարտին։
Այն ապահովում է Հայաստանի և ԵՄ-ի համար համատեղ աշխատելու շրջանակ՝ ամրապնդելու ժողովրդավարությունը, օրենքի գերակայությունը, մարդու իրավունքները և ներառում է օրենսդրական մոտարկում կարևոր ոլորտներում: Ընդհանուր նպատակն է բարելավել Հայաստանում կարգավորիչ միջավայրը և ապահովել լավագույն փորձի փոխանակումը ԵՄ-ի և Հայաստանի միջև: Այն նաև ապահովում է տնտեսական համագործակցության ամրապնդման, քաղաքացիների սոցիալական և կայուն զարգացման ծառայությունների շրջանակը:
ՀԸԳՀ-ի իրականացումը վերահսկվում է ՀՀ կառավարության և ԵՄ-ի կողմից կանոնավոր հիմունքներով և ճանապարհային քարտեզի համաձայն, որին մասնակցում են 23 պետական հաստատություններ: ՔՀԿ-ները առանցքային դեր են խաղում ՀԸԳՀ-ի իրականացման մշտադիտարկման գործում։
ԾՐԱԳՐԻ ՄԵԿՆԱՐԿ՝ 3 ապրիլի 2023թ
ՏԵՎՈՂՈՒԹՅՈՒՆԸ՝ 48 ամիս
ՇԱՀԱՌՈՒ՝ ՀՀ կառավարության անունից փոխվարչապետի գրասենյակ
ՊԱՏՎԻՐԱՏՈՒ՝ Հայաստանում Եվրոպական միության պատվիրակություն
Այս ծրագիրն իրականացվում է GOPA PACE Partners in Action for Change and Engagement-ի կողմից
11 Մովսես Խորենացի , բն. 10 Երևան, Հայաստան
https://www.gopa-pace.com
ԲԱՂԱԴՐԻՉ 1 ուղղված է հորիզոնական աջակցություն ցուցաբերելու Հայաստանին՝ ռազմավարական պլանավորման, ծրագրավորման և մոնիտորինգի կարողությունների զարգացման համար։ Ծրագիրը կնպաստի զարգացման խնդիրների վերլուծությանը և քաղաքականության երկխոսությանը, մոնիտորինգին և գնահատմանը, ինչպես նաև Հայաստանի կառավարությանը փորձաքննություն տրամադրելով բոլոր ոլորտներում, որոնք ունեն դրույթներ Հայաստանի օրենսդրությունը ԵՄ օրենսդրությանը մոտարկելու նպատակով:
ԲԱՂԱԴՐԻՉ 2 նպատակն է աջակցել Հայաստանի կառավարության ռազմավարական հաղորդակցությանը և ԵՄ պատվիրակության հաղորդակցությանը: Հայաստանի կառավարությանը տրամադրվող աջակցությունը հիմնված է երկարաժամկետ, ռազմավարական մոտեցման վրա և նպատակ ունի ստեղծել կայուն և գործառական շրջանակ ՀՀ կառավարության ընդհանուր հաղորդակցության համար, մինչդեռ ԵՄ պատվիրակությանը տրամադրվող աջակցությունը ուղղված է ընդհանուր հարցերի սահուն իրականացման ապահովմանը:
ԲԱՂԱԴՐԻՉ 3 նպատակն է Հայաստանի քաղաքացիական հասարակությանը աջակցություն ցուցաբերելը՝ ՀԸԳՀ-ի իրականացման մոնիտորինգի և ՀԸԳՀ-ի պարտավորություններին համահունչ ներառական, իրավունքների և ապացույցների վրա հիմնված քաղաքականության ջատագովության հարցում: ՀԸԳՀ քաղաքացիական հասարակության թվային ռեսուրսը կստեղծի հասանելիություն քաղաքացիական հասարակության կատարած աշխատանքներին: ՔՀԿ-ներին կտրամադրվի հաղորդակցության կարողությունների զարգացում՝ ապատեղեկատվությանը և մանիպուլյացիային դիմակայելու համար:
