Քաղաքացիական հասարակության կողմից ՀԸԳՀ-ի իրականացման մշտադիտարկում Հայաստանում

Քաղաքացիական հասարակության բոլոր հետաքրքրված կազմակերպություններն ու անհատները կկարողանան, թե տեղադրել իրենց նյութերը այս հարթակում, թե օգտվել արդեն իսկ այլ փորձագետնորի կողմից մշակված նյութերից, թե կազմակերպել բանավեճեր ու քննարկումներ տարբեր հարցերի շուրջ, թե գնահատել արդեն իսկ կատարված աշխատանքները։

Այս հարթակը աջակցություն է և ՀՀ Կառավարությանը, և Հայաստանի քաղաքացիական հասարակության կառույցներին և անկախ մտածողներին՝ իրենց աշխատանքներն ու հուզող հարցերը ներկայացնել ինչպես մասնագիտական,  այնպես էլ լայն հանրությանը, քննարկել դրանք, ստանալ կարծիք և ներդնել այդ ամենը ի նպաստ՝ ՀԸԳՀ-ի իրականացման գործում։

Քաղաքացիական հասարակության դերն այսօր առավել քան մեծանում է Համապարփակ և ընդլայնված գործընկերային համաձայնագրի (ՀԸԳՀ) իրականացման գործընթացում՝ անկախ և անաչառ մշտադիտարկում իրականացնելու տեսանկյունից։

Այս Հարթակը պետք է դառնա մի տարածք, որտեղ քաղաքացիական հասարակությունը կներկայացնի իր գնահատականները՝ կատարված աշխատանքների շուրջ, իրենց կողմից իրականացված մշտադիտարկումների զեկույցները, քաղաքականության և գործողությունների մակարդակում փոփոխությունների առաջարկները։ Այս բոլորը պետք է օգնի հնարավորինս արագ և որակով իրականացնելու Համաձայնագրով նախատեսված գործողությունները, իրական ու շոշափելի փոփոխություն բերելով Հայաստանի յուրաքանչյուր քաղաքացու կյանքում։

Այս ամենն իրականացվելու է հետաքրքրված անձնանց ու կազմակերպությունների հետ անմիջական կապի մեջ գտնվելով, նրանցից ստանալով տեղեկատվություն, հարցադրումներ, մշտադիտարկման զեկույցներ, քաղաքականության փաստաթղթեր, համառոտագրեր, գնահատումներ և այլ ձևաչափով թաստաթղթեր, որոնք դառնալու են քննարկման ու բանավեճի առարկա։

Առցանց ռեսուրսը գործելու է՝ առաջնորդվելով և պահպանելով մասնագիտական և հետազոտական աշխատանքին ներկայացվող բարձր էթիկական նորմերն ու բարեվարքության և պարկեշտության սկբունքները։ Հարթակը ծառայելու է քաղաքացիական հասարակության համար ջատագովության գործիք՝ իր պատկերացումները, առաջարկները, մոտեցումները ներկայացնելու լայն հանրությանն ու որոշում ընդունողներին։